Sutura ak àqu bindkat

Kan moo nekk ci ginnaaw Sanjola

ęxaucæ moo sos Sanjola te moo koy doxal. Su am laaj ci say done walla ci benn woy, bindal nu : mooy ekib bi lay tontu.

Li nuy denc

Li koor gi soxla rekk ngir dox :

• Sa kont : sa tur, sa adrees e-mail, sa baatu jàll (denc nañu ko ci anam bu kenn mënul a jàng), sa làkk, sa melo ak sa nataal su fekkee yokk nga ko. Ak « Continuer avec Google », Google day yónnee sa tur ak sa e-mail rekk.
• Sa koor : turam, sigle bi, jàngu bi, paroas bi, dëkk bi, réew mi, waxtu wi, logo bi, banneer bi, lëkkalekaay yi ci say réseau, ak formule bi nga tànn.
• Way-bokk yi : tur, e-mail, telefon, baat, instrumaa, warugar, rol, bés bu ñu dugg ak bés bu ñu génn, ak bés bu ñu juddoo su ñu ko bindee (woykat bi ak njiit yi rekk ñoo koy gis, ci formulaire bu soppi bi). Njiit mën na bind woykat bu amul kont ; mu def ko ci turam te war na am ndigalam.
• Woy yi : tur, bindkat, arranjëer, baat yi, tonalite, etiket, ak fisye yi ci nekk (enregistreman, partisyoŋ, nataal).
• Xew-xew yi : bés, bérab, porogaraam, ñi ñu tànn ak teewaay.
• Journal teknik (adrees IP, xët wu ñu laaj, waxtu), ngir service bi dox te nu tëj ñi koy yàq.

Kan mooy gis lan

Koor gi dafa sutura. Ñi ko bokk rekk ñoo ciy dugg, ku nekk ci sa rol.

Way-bokk yépp

Woy yi ak seeni fisye, arminaat bi, porogaraam yi, limu way-bokk yi ak seeni baat, ak teewaay yi.

Way-bokk bu nekk

Mu gis e-mailam ak telefonam, te moo tànn ay baatam ak ay instrumaaam.

Boroom yi ak admin yi

Ñu gis itam e-mail ak telefonu way-bokk yépp. Ñooy topptoo way-bokk yi, woote yi ak tànneef yi, te, ci formule bi, import ak export Excel.

Njiitu koor gi ak sekreteer bi

Ñoo waajal porogaraam yi ak répertoire yi, te ñoo def appel bi.

Soppi benn woy

Ki ko yokk ak admin yu koor gi.

Sa biblioteek bu goney

Yaw rekk.

Ñi amul kont

Dara, lu dul koor gi ubbi na xëtam wu peeteex (xoolal ci suuf).

Ekib Sanjola

Du ubbi li nekk ci sa koor, lu dul ngir defar jafe-jafe bu nga nu wax, bind fey, walla su yoon laaje ko.

Xët wu peeteex wi

Dafa tëju ba admin ubbi ko ci tànneefu koor gi, te mën na ko tëj saa su nekk.

Bu ubbee, ku nekk mën na gis : turu koor gi ak ni mu tëdde, logo bi, banneer bi ak lëkkalekaay yi ; limu woy yi ak seeni leeral ak seeni baat ; xew-xew yi ak seeni porogaraam ak ñi ñu tànn ; limu way-bokk yi ak seeni tur, seeni nataal, seeni baat, seeni instrumaa ak seeni warugar.

Du wone fisye yi (enregistreman ak partisyoŋ), teewaay yi, e-mail yi ak nimero telefon yi.

Say fisye

Enregistreman yi, partisyoŋ yi ak nataal yi, sunu hébergeur cloud lañu leen denc te dañuy jaar ci Sanjola ngir feeñ. Enregistreman du yebu lu dul ku bësul lecture.

Fisye bu nekk am na lëkkalekaay bu gudd bu kenn mënul a xalaat. Waaye ku jot lëkkalekaay boobu mën na ubbi fisye bi te amul kont : bul ko séddoo lu dul ci biir koor gi.

Woy, partisyoŋ ak àqu bindkat

Li nga yokk, yaw la, walla ñi ko bind. Sanjola du laaj benn àq ci say woy, say partisyoŋ walla say enregistreman : danuy denc rekk te wone ko ñi nga tànn.

Sanjola du seet àq yi. Ku yokk partisyoŋ, enregistreman walla baat, war na am sañ-sañ, ci misaal :

• liggéey bu bokk ci domaine public ;
• liggéey bu koor gi bind walla enregistre ;
• ndigalu bindkat bi walla éditeur bi ;
• lisaas bu sa jàngu, sa diosees walla sa federasioŋ am.

Partisyoŋ bu ñu jënd ngir koor gi, du saa yu nekk may nga def ay kopi numerik. Su la jaaxal, denc ko ci këyit te bind turam ak referaŋsam rekk ci Sanjola.

Baat yi dañuy feeñ ci xët wu peeteex wi bu ubbeeko. Bàyyil ci baat yu nga mën a siiwal rekk.

Yaw mooy bindkat walla éditeur bu liggéey bu ñu def te amul sa ndigal ? Bindal nu, wax nu liggéey bi ak koor gi : danu koy far bu nu ko seetee, te xamal koor gi.

Li nu dul def

• Amul piblisite.
• Dunu jaay walla luwe say done.
• Dunu la topp : danuy lim ñi dikk ak jumtukaay bu amul cookie, bu ñu dul jëfandikoo ngir xam ki nga doon.
• Amul e-mail yu promosioŋ : danuy bind ci sa kont rekk (dëggal, baatu jàll, woote).

Sunuy prestataire

Ay service dañu nuy dimbali ngir doxal Sanjola. Ku nekk dafay jot li mu soxla ci liggéeyam rekk :

• ay hébergeur cloud, ngir serveur bi, base de données bi ak fisye yi ;
• jumtukaay bu amul cookie buy lim ñi dikk ;
• service buy yónnee e-mail, ngir dëggal, baatu jàll bu ñu fattaliku ak woote ;
• Google, su fekkee tànn nga « Continuer avec Google » rekk.

Fey yi dañuy def ci biti aplikaasioŋ bi (Mobile Money, xaalis walla virement). Sanjola dafay bind formulu koor gi ak bés bu muy jeex rekk.

Cookies

Sanjola dafay jëfandikoo cookies yu mu soxla rekk : sa duggu, « Se souvenir de moi », sa làkk ak koor gu mujj gi nga ubbi. Sa melo (leer walla lëndëm) dafay des ci sa navigateur. Amul cookie piblisite.

Ba kañ, ak naka ngay far

Danuy denc say done li feek sa kont walla sa koor ngi fi.

• Mën nga génn ci koor saa su nekk, ci sa xëtu way-bokk : sa rëdd dafay génn ci lim bi, ak say teewaay.
• Admin mën na génne way-bokk ci koor gi, te lii mooy am.
• Boroom bi mën na far koor gi : woy yi, fisye yi, répertoire yi, xew-xew yi ak teewaay yi dañuy far.
• Su formule bu ñuy fey yeesalul, dara du far : koor gi dafay dellu ci formule bu ñu dul fey.
• Ngir far sa kont, bindal nu ak adrees e-mail bu kont bi. Dinanu la wax li koy topp, ba noppi far ko.

Say àq

Yaw ci sa bopp ngay soppi sa tur, sa nataal, sa làkk, say baat ak say instrumaa, ci sa profil ak ci sa xëtu way-bokk. Ngir am kopi bu say done, walla ngir ñu defar walla far leen, bindal nu.

Kaaraange

Sanjola dafay dox ci connexion bu ñu kripte rekk (HTTPS). Baatu jàll yi dañu leen kripte, ñiy jéem a dugg lu bari dañu leen yeexal, te koor gu nekk dafay gis ay doneem rekk. Amul service bu wóor 100 % : su jafe-jafe amee ci say done, dinanu la xamal.

Xale yi

Am na koor yu am ay xale. Njiit yi leen bind war nañu am ndigalu seeni waajur te bind li am solo rekk. Ci xët wu peeteex wi, xale dafay feeñ ni way-bokk yi yépp (tur, nataal, baat) : xalaatal ko balaa ngay ubbi xët wi.

Coppite

Bu xët wii soppikoo, bés bi ci kaw dina soppiku itam.